A pidi ambulance pa asina hib’e hospital. Un chauffeur envolvi den accidente awe mainta, a resulta di ta na estado y pa tur precaucion a opta pa transport’e pa haci un chekeo medico.
Accidente a tuma luga den careda di 8:30 am riba e crusada di Middenweg y Oude Schoolstraat na Playa, ta keda net patras di Maggy’s den Caya Grandi. Esaki tabata entre un Pickup y un KIA Rio, caminda un no a duna preferencia na e otro.
Impacto y susto lo tabata grandi pa e dama mirando cu e ta na estado. Di otro banda e daño material tabata minimo na ambos vehiculo. Polis no a basila y a pidi presencia di ambulance na e sitio, cu un rato despues a transport’e pa hospital pa un chekeo mas riguroso.
