Dialuna pa 12:34am a bati alarma pa un accidente serio na Bubali, pa ser exacto dilanti percela Bubali # 52-A. Ey Polis a topa cu un Toyota Yaris color shinishi numera A-6665 cu a dal den un mata di kwihi. Pa 1:15am, Dr. Texier a constata e di 8 morto den trafico pa aña 2018, den persona di Gilbert E. Wernet, naci na Aruba dia 1 di juli 1982 y biba na Papilon. E tabata traha den casino.
Polis a informa na e sitio cu e investigacion preliminar efectua dor di e Departamento di Trafico y Departamento Forensico di Cuerpo Policial Aruba a saca afo cu ta e auto ey so ta envolvi. Kico a sosode no ta conoci ainda, cu por a conduci cu e chauffeur a baha caminda y dal den un troncon grandi di un mata di kwihi.
Headlines Group, cas editorial di 24ora.com ta extende palabranan di condolencia na famia y ta deseanan hopi forsa den e momentonan dificil aki.
