Luna di november ta conoci na Aruba pa e luna mas importante pa e deporte di Beach Tennis. Ya pa di 3 aña consecutivo, Aruba ta anfitrion di e weganan Panamericano den Beach Tennis organisa pa ITF y e Aruba Open. E prome evento, Panamerican Games, lo cuminsa dia 8 di November y termina diadomingo dia 11 di november. E aña aki e torneo lo conta cu participacion di Puerto Rico, Venezuela, Colombia, Corsou, Brasil, Argentina, Ecuador, Chile, USA y Aruba.
Aña pasa e torneo a conta cu un sorpresa ora e ekipo di Venezuela a titula campeon, ganando e ekipo di Brazil, kende desde inicio di e Panamerican Games, a domina e region rond di nos.
Nos ta sigur, mirando cu Brasil a caba di gana e Mundial na Russia, lo bin por la goma pa regresa cu tur titulo.
Despues tin e torneo mas grandi na mundo, Aruba Open 2018 cu ta tuma luga na Eagle Beach. E evento ta conta cu entre 2000 pa 3000 hende cada dia, disfrutando tanto di e wega como tambe e ambiente riba beach. E aña aki Beach Tennis Aruba ta celebra e di 10 edicion.
Ta invita tur hende, amantenan di deporte, amantenan di ambiente, pa ta presente durante e periodo di 8-18 november, cuminsando cu Panamerican cual lo tuma luga na Tropicana Beach Tennis Club y despues cu Aruba Open na Eagle Beach.
