M.A.U. (Alida) Francis ta bira gezaghebber di Sint Eustatius. Secretario di estado Alexandra van Huffelen di Relacionnan den Reino y Digitalisacion a propon’e pa nombramento den Conseho di Minister.
Alida Francis (58) a nace na Sint Eustatius y for di februari 2021 ta Comisario di Gobierno di Sint Eustatius y na 2020 e tabata Comisario di Gobierno reemplasante. Prome cu tur esaki e tabata traha entre otro como consehero di comunicacion senior y vocero na Rijksdienst Caribisch Nederland y tabata director di Turismo di e teritorio insular di Sint Eustatius. Francis a studia periodismo na scol di periodismo na Tilburg.
E nombramento ta drenta na vigor riba e fecha cu e Decreto Real fase 3.0 di e ‘Wet herstel voorzieningen Sint Eustatius’ drenta na vigor. Riba e mesun dia aki e intervencion administrativo na Sint Eustatius ta termina. Esaki ta nifica fin di e termino di e Comisario di Gobierno (reemplasante) tambe. Nombramento di e gezaghebber ta marca e regreso definitivo di e democracia riba e isla desde e momento di e intervencion na 2018.
Esaki ta nifica cu for di e momento ey Sint Eustatius mes ta responsabel pa e ehecucion di e tareanan administrativo. Ademas, e Representante di Reino interino lo tin algun mandato adicional te na momento cu e ley caduca entrante prome di september 2024.
