E ministernan a presenta na Parlamento di Aruba pa trata e presupuesto supletorio. Parlamentario independiente Croes ta haya cu e presupuesto aki ta puro schuifmento di e realidad.
mr. Gerlien Croes, parlamentario independiente, a indica cu nan a ricibi e presupuesto supletorio prome cu a trata e ley di BBO na frontera. E parlamentario a vocifera caba cu loke a hala su atencion ta cu tin mas entrada cu nan no a spera. Ta trata di entrada extra di ATA, entrada extra di dies miyon florin di Banco Central, cu mester ta paga na gobierno como dividendo.
Den e prome tanda di reunion, Croes a haci diferente pregunta. A bira un custumber cu gobierno ta gaba y ta trece dilanti cu nan ta entrega presupuesto na ora. Pero e realidad ta, di cual por mir’e no solamente na parlamento pero Raad van Advies tambe ta cuestiona e echo cu si locual ta presenta ta un refleho cu di berdad ta biba den comunidad. Si e cifranan presenta lo ta realistico. Esey tabata e tipo di pregunta cu Croes a haci dialuna mainta.
E echo ta cu gobierno ta bisa di a trece un presupuesto supletorio pa aproba, no a hisa ningun gasto, a schuif di aki p’aya. Minister Arends a papia riba e echo cu tin otro tipo di contract pa loke ta trata e ploegnan di Serlimar. Pero por mira cu a schuif tur placa necesario p’e otro diensten. Na final ta un schuifmento di cifra aki p’aya.
