Tin un framework legal pa Airbnb cumpli cu caha di gobierno. Idea no ta pa bin cu mas belasting, pero kier pa esunnan cu tin un Airbnb cumpli cu nan parti.
Si ta sinti cu Airbnb no ta duna suficiente na caha di gobierno, Minister di Economia, mr. Geoffrey Wever a splica cu tin un framework legal caba pa Airbnb cumpli. Ora analisa ki tipo di actividad nan tin, ya nan ta cay den diferente heffen caba. Nan mester simplemente cumpli cu esey.
E mandatario a indica cu por ehempel nan tin nan parti di grondbelasting, erfpacht, tin di nan tin un vennootschap cu ta winstbelasting, tin eenmanszaak, y tur esey t’ey caba. No ta e idea cu mester bin cu mas heffing pa cobra mas, esey no ta e problema na e momentonan aki.
Loke kier ta pa esunnan cu ta opera, nan cumpli si. Por ehempel for di e sector mes, for di e organisacion mes a bisa cu nan no tin problema cu esey. Segun Wever, loke hustamente nan kier ta pa nan industria contribui cu nan ‘fair share.’ Nan ta completamente habri pa traha cu gobierno pa logra esey.
E ta haya cu nan ta bon ciudadano, pasobra nan tin e responsabilidad. Gobierno na ta stimula esey. Segun Wever, nan tin un bon comprondemento cu e sector mes. Tin hende cu tabata critico y di cual gobierno a respeta esey, pero a scucha nan tambe.
