Telefon pa Hubentud a haya e chens pa traha hunto cu UNICEF Hulanda, pasobra ta un proyecto di UNICEF Hulanda, cual yama Children’s Rights Movie Festival.
Segun Shurman Milliard, trahado social di Telefon pa Hubentud, nan ta bayendo Corsou pasobra na Aruba a haci un premiere caba pa mira cua di e hobennan, cu a siña diferente derecho di mucha. Nan a traha un pelicula hunto cu un film coach, kende ta Armando Goedgedrag, cu a sali ganado.
El a traha un pelicula hunto cu un klas di Filomena Basisschool. Awo, Filomena Basisschool a bay Corsou pa mira kico e otro paisnan den Reino a bin cun’e riba derecho di mucha. Eynan lo mira cinco diferente otro pelicula. Por ehempel di St. Maarten, Saba, St. Eustatius, Boneiro y Corsou. Na Corsou lo bay mira ken tur lo ta e representantenan di e derecho di mucha den Caribe. Pesey ta bay na e premiere hunto cu e hobennan, kendenan a actua den e pelicula y tambe nan ta esnan cu a bin cu e topico cu e peliculanan a keda traha. Ta hopi orguyoso cu e hobennan aki, pasobra nan a traha asina duro den e delaster luna. E proyecto aki tabata mas of menos 2 luna largo y nan a haya e informacion. Despues nan a pone riba Pantaya grandi di Cinema. Ta pa e motibo ey nan a bay Corsou.
Tema
E hoben cu a traha e pelicula a pinta prome un cuadra y den su cuadra, e derecho pa participa. E nificacion di e mucha, a pinta un cuadra di dje y a bira e topico di e pelicula. Despues un sinopsis chikito di e pelicula ta cu tin ora tata y mama ta pensa hopi riba awo, riba e placa cu nan tin cu gana pa asina e famia keda bay dilanti of e auto mas bunita, of e cas mas bunita. Tin ora e ta bay contra di naturalesa, por ehempel. Of e atencion di e mucha cu no ta haya, pasobra tata y mama ta traha asina duro. Den e pelicula aki, muchanan ta ilustra cu nan kier atencion y nan kier pa tende nan pa e adultonan. Esey ta un di e derechonan principal den e pelicula.
Presentacion den Nos Mainta
Dia 18 di April, ora cu bin bek, Telefon pa Hubentud lo ta den Nos Mainta. Nan por take over Nos Mainta, pa laga wak tur e cinco peliculanan cu a traha na Aruba. E ganado tambe ta un di e cinconan. Eynan tambe nan tin diferente profesional cu ta bay duna nan un bista kico ta e situacion aki na Aruba. Por ta e muchanan ta bisa cu no tin un fundacion contra di droga, pero tin si. Eynan profesional ta bay splica kico tin pa ofrece den e veld social di Aruba tocante di derecho cu e mucha a pinta di dje.
Comision Nacional Derecho di mucha
Sasha Geerman, di comision Nacional di Derecho di mucha, a splica cu nan ta un comision cu ta existi desde cu a firma e tratado na 2001. Aruba a ratifica e tratado di derecho pa mucha, den cual el a compromete sumes di por cumpli cu e 42 articulonan den e tratado. Y e comision ta consisti di 10 organisacion. 8 di gobierno y 2 no gubernamental. Hunto ta bay wak con e implementacion di e tratado aki na Aruba ta sosodiendo.
Tambe ta encarga cu e raportahe internacional na Nacionnan Uni, cada cinco aña y tambe pa stimula e concientisacion di kico e tratado kiermen. Na Aruba hendenan sa cu derecho di mucha ta existi y kico esey ta encera. Den esey telefon pa hubentud, hunto cu UNICEF den e proyecto aki a haci un tremendo trabao. Nan a logra pa 150 mucha di scol basico, cu a haya les den kico derecho di mucha ta.
Derecho di mucha’
Derecho di mucha ta un tratado cu a cera entre tur pais na mundo. E ta e tratado mas ratifica rond mundo. Despues di Segunda Guera mundial, paisnan rond mundo cu loke a pasa cu muchanan den di Dos guera Mundial, no por sosode nunca mas.Cu esey e Gobiernonan rond mundo a firma un compromiso cu lo percura pa cada mucha, den cada pais, ta haya e 42 articulonan cu ta menciona den e tratado, cu ta proteha e menor cu no por proteha su mes, y cu e sistema di e pais ta protehe contra maltrato.
Con pa contact
Pa yega na e comision ta facil. E ta un website y e ta www.derechodimucha.org. Riba e website ey, ta haya tur informacion riba derechonan di mucha. Tin un version simplifica pa mucha. E 42 articulonan hopi simpel. Tin e version mas amplio di e tratado. Tin tur raportahe cu Aruba a manda na Nacionnan Uni y tambe e recomendacionnan cu E comision a haya di NU. Tambe fuera di esey, tin informacionnan di contacto.
Mayor
Jairo Boekhoudt ta mayor di un di e muchanan cu a bay Corsou pa participa hunto cu e grupo di UNICEF y Telefon pa Hubentud. Nan ta contento cu e ta bayendo y ta un experiencia nobo p’e y e famianan ta dese’e tur clase di exito.
Experiecia
E ta un tiki dificil pa e mucha bay su so, pero e ta bay bon compaña, cual ta un alivio. E experiencia tabata bunita cu el a participa den e video y traha e pintura na cas tambe, hunto cu UNICEF.
E proyecto
Segun Boekhoudt, tabata un proyecto bon hinca den otro. E ta siña e mucha nan derecho cu nan tin. Hunto, como famia, nan tabata pasa den dje y tabata haci e pinturanan.
