Oficina Central di Estadistica ta preparando pa aña 2020. Segun directora suplente Desiree Helder, nan a cuminsa reuni cu stakeholders, entre otro di educacion, pa asina nan haya tempo pa duna input loke nan mester pa loke ta e lista di pregunta di Censo 2020.
E trabao ta cu e lista di pregunta di Censo 2020, mester acapara lo mas posibel tur e necesidadnan di e diferente stakeholder pa loke ta nan necesidad di data. E lista di pregunta mester ta asina amplio posibel pa e datausernan por haya e informacion cu nan tin mester di dje.
Importancia di e proceso
E preparacionnan ta cuminsa tempran pasobra tin cu reuni cu diferente stakeholder riba diferente tema. E ta importante pasobra ora e cuestionario ta cla, e tin cu acapara e toch e necesidadnan di e datausernan, pasobra pa nan CBS ta traha. Ora cu colecta datonan di Censo, ta asina cu e meta primordial ta, cu e usuarionan, ta haya informacion cu nan tin mester di dje. Riba esey ta contactnan di antemano, pa nan tin chens pa nan wak den nan mesun seno kico nan tin mester di dato, no solamente pa practica, pero tambe pa maneho y despues pa nan planning pa futuro.
Censo 2020
Censo 2020, ta e base di dato mas amplio na Aruba. Segun e richtlijnen di UN, cada 10 aña un pais ta conduci un censo pa tin un bista amplio di e situacion die poblacion y situacion di vivienda. Den e caso aki, na 2010, e ultimo censo a tuma luga. Awo ta trahando pa Censo 2020. E ta asina cu a base di cifra of datonan cu keda colecta durante di e Censonan, ta haci hopi uzo di e datonan aki, pa diferente organisacion, pa nan stipula maneho encuanto poblacion y tambe pa vivienda. E ta contene informacion hopi valioco pa hopi tempo nan ta wordo uza.
Coopracion
Semper instancianan di gobierno ta wordo invita y pesey a cuminsa cu e proceso di invita tambe instancianan cu ta regarda educacion y nan ta duna input na CBS. E departamentonan di gobierno y tambe sector priva lo haya un chens pa duna nan input.
Kico pa tene na cuenta
Lo informa pueblo debidamente den transcurso di tempo con e preparacionnan ta bayendo. Ta importante pa pueblo sa cu pa October 2020, Censo lo tuma luga. Tin e intencion di haci Censo den 10 dia. Pa 10 dia largo, e encuestadornan lo ta riba caya pa entrevista tur hende na Aruba cu e cuestionario di Censo. Y ta importante pa pueblo compronde e importancia di Censo. Pakico ta importante pa coopera. E no ta pa CBS, sino ta pa gobierno, sino pa henter Aruba. Pesey mes lo enfoca riba e necesidadnan cu diferente instancia tin nan dato, pero e importancia cu e datonan aki tin y con hopi e ora ta conta riba e cooperacion di cada ken, pa ora cu berdad e encuestoador bay na nan hogar, pa nan coopera tambe.
