Fundacion Pa Nos Comunidad a uni su mes na Caritas y Parokianan pa yuda tur e famianan di Aruba cu ta den necesidad. Diasabra mainta Genaika van der Biezen, directora di FPNC, tabata presente na un evento na Santa Theresita. Parokia tin lista di famianan cu mester di ayudo. Diasabra na San Nicolas a haci entrega di paketenan cu a logra cu ayudo di Hulanda. A haya colaboracion di DHL y New York Laundry cu e team por a hiba e pakete ten a cas di e clientenan.
E asistencia pa ayudo ta hopi grandi pa cual FPNC tin puno den diferente barrio pa por yega cerca e famianan, y e parokianan ta un di e bon puntonan di conexion.Reverando Muchael Nicolas tambe tabata presente na e ceremonia, y a conta cu e evento ta uno historico pa Parokia Sta Theresita, tur esak danki na Jandino Asporaat, cu a logra crea basta pakete. Asporaat a recauda fondo na Hulanda pa yuda e islanan den Caribe.
A cuminsa pa reparti 130 pakete y ta spera pa yega na 500 famia den tur e 9 parokianan den e barionan di Aruba. E prome ta e tres parokianan di San Nicolas, Brazil y Savaneta. E idea ta e cara social di Iglesia pasa rond Aruba. Simplemente inscribi nomber na seccion di asistencia social den e parokianan pa haya ayudo. Nan ta yuda hende cu a perde nan trabou y no tin entrada.
