Winson Tavarez, presidente di Fundacion Dominicana Arubaanse Juan Pablo Duarte a splica di un iniciativa cu e fundacion a cuminsa cu ne recientemente. E ta un iniciativa cu e intencion pa yuda esnan cu mas necesidad den comunidad.
E ta un iniciativa cu a cuminsa hunto cu Asociacion Amigos de Colombia unda u a reparti mas cu 60 basket cu comestibles cu pa famianan cu nan sa ta den un situacion di necesidad.
Mirando e exito di e proyecto aki, Tavarez kier haci un yamada principalmente na comerciantenan pa duna algo di nan banda pa yuda e mas di 300 personanan registra cu mester di ayudo urgencia. No solamente na comerciantenan, pero diferente instancianan cu por aporta cu algo di nan parti pa yuda e mas di 300 di personanan cu mester di ayudo.
E necesidad ta pa tur loke cu un famia mester normalmente pa nan bida diario, inclusive pa baby y mucha chikito.
E ta haci un apelacion fuerte pa cada un di e comunidad aki ta solidario cu e ciudadanonan den necesidad. Pa cualkier informacion por yama 5623093, principalmente pa esnan cu kier haci un donacion. Otro numbernan cu por yama ta esun di dje mes 5921679 of esun di oficina 5825890.
Lamentablemente no ta bay tuma ningun yamada di ayudo mas, pasobra nan lista ta grandi caba y kier soluciona e problema di e grupo aki cu ta consisti di Arubiano tambe.
