Rey Willem Alexander riba diahuebs, den combersacionnan telefonico apart, a papia cu gobernadornan di e tres paisnan di Reino Hulandes den Caribe. Esaki ta bisa den un comunicado emiti door di Rijksvoorlichtingdienst.
A papia cu Gobernadornan Boekhoudt (Aruba, George-Wout (Corsou) y Holiday (Sint Maarten). E meta di e combersacion aki tabata pa e Gobernadornan pone Rey Willem Alexander na altura di e situacion na e pais aki debi na coronavirus (COVID-19) y e consecuencianan di e medidanan tuma pa evita plamamento di e virus.
Rey Willem Alexander a expresa su apoya na su representantenan na e islanan y e habitantenan di e tres islanan. E tabatin hopi aprecio pa e forma riba cual e trahadonan den cuido y otronan envolvi ta traha dia y anochi pa enfrenta e crisis. El a haci esaki tambe den nomber di Reina Maxima. Door di coronavirus Aruba, Corsou y Sint Maarten a keda afecta tanto pisa medicamento como economicamente y socialmente.
Dia 3 di april Rey a participa na e conferencia di video diario entre VWS su crisisteam Caribisch Nederland y e teamnan na Boneiro y Sint Eustatius. E combersacion aki tabata parti di un bishita di trabou na Ministerio di Salud Publico, Bienestar Social y Deporte (VWS). E dia ey caba e Rey a expresa su apoyo y aprecio na e islanan BES.
Por medio di combersacionnan telefonico y mas tanto posibel bishitanan di trabou, Rey Willem Alexander y Reina Maximo ta pone nan mes na altura di e consecuencianan di e brote di corona y a expresa nan apoyo y aprecio pa e trabou di tur esnan cu ta duna di nan banda pa combati e pandemia.
