Awe den oranan di mainta a cuminsa e proceso di votacion den e referendum pa empleadonan di Little Switzerland. Jairo Grant, vocero di e trahadonan, a splica cu e empleadonan ta contento cu e resultado a duna cu sindicato FTA a gana e derecho pa representa nan. “Nos a logra y tur e coleganan ta contento.”
Tabatin 48 empleado cu por a haci uzo di nan derecho di voto. DI e grupo aki, 42 a haci uzo di nan derecho. Un total di 41 a vota na fabor di FTA y e otro voto tabata invalido. Pa otro siman diamars, segun Mediador Pontilius a splica, tin referendum di Eagle Beach Resort cu ta parti den tres compania.
E compania a bay Corte pidiendo pa postpone of cancela e referendum. E caso su tratamento lo tuma luga dialuna mainta.