Cuerpo Especial Arubano a presenta na Landsrecherche p’asina transporta un detenido den e caso di Avestruz. Ta trata di Freddy Every. E ta keda deteni pendiente pa investigacion cu ta tumando luga rigorosamente den e ultimo dianan aki. Den oranan di mainta Landsrecherche a detene Every, pasobra e ta un sospechoso den e caso di Avestruz. Ta pendiente si lo bay tin mas detencion den e caso aki.
Minister Publico a informa cu por ta posibel di tin mas detencion den e caso di Avestruz. A prolonga e detencion di Leoncita Arends, kende tambe ta sospechoso den e caso di Avestruz, cu 60 dia mas.
Tambe ta pendiente con lo sigui cu e detencion di Franklin Abbath, kende a presenta dilanti hues comisario. E abogadonan tambe tabata presente, pero a bandona sitio prome cu e sospechoso Every a sali di Landsrecherche.
