Fontein Kleuterschool a tene un dia alegre di graduacion, unda cu a despedi di su alumnonan. Nan a tene un parada di auto dorna tur na blaas.
Sonja Goedhoop, cabesante di Fontein Kleuterschool, a splica cu nan a pasa den diferente caya di San Nicolas pa despues regresa scol pa ricibi nan certificado di graduacion, durante un fiesta prepara specialmente pa nan.
E celebracion a cuminsa den parti mainta, nan a topa otro na Centro di bario Lago Heights pa despues pasa den e cayanan di San Nicolas. Nan ta hopi contento di por a pasa den e cayanan di San Nicolas. Un gradicimento special a bay pa tur esunnan cu a sali pafo pa saluda e muchanan.
Un total di 44 mucha a gradua pa eerste klas. Nan lo sigui pa scol bisiña Colegio Hilario Angela, como tambe School Xander Boagerts. Tambe algun di e alumnonan lo bishita e scolnan di SKOA tambe.
Goedhoop a sigui bisa cu e ta hopi orguyoso di su coleganan. E kier a desea nan hopi forsa, ya cu nan ta pasando den hopi cambio den enseñansa, cambio positivo.
