Curaçao Hospitality and Tourism Association (CHATA) ofisialmente a lansa e di tres edishon di e festival kulinario mas grandi di Kòrsou, Flavors of Curaçao.
Ku e evento aki CHATA ke rekouda fondo pa sigui inverti den diferente proyeko na benifisio di nos turismo i komunidat. Flavors of Curaçao lo tuma lugá riba e tereno di parker di Hilton Curaçao riba 29 di Sèptèmber. Edishonnan previo di Flavors of Curaçao a atraé mas ku 2.000 bishitante kende tur por a saboriá platonan kreativo i delisioso.
Flavors of Curaçao lo brinda tur bishitante e oportunidat pa disfrutá un gran variedat di plato kual lo wòrdu ofresé pa mas ku 25 restorant. Eksperensiá ‘food trucks’, kuminda internashonal, ‘cocktail bars’, kuminda urbano i un merkado di agrikultura, tur den un magno i eksitante evento. Karchi pa e evento úniko aki lo kuminsa na NAFl. 25 i despues lo bira NAFl. 30,-. Huntu ku esaki e konsumido lo risibí 5 ‘tokens’ na balor di NAFl. 12,50. Karchinan ta optenibel na Van den Tweel Zeelandia | Bruna | Mensing’s Caminada | Miles Jazz Cafe | 24uur uit de Muur | Bottles Curaçao | Madero Lifestyle Shop | Licores Maduro | CHATA i online riba e wepsait di Flavors of Curaçao.
E aña aki, Flavors of Curaçao a invitá vários chef internashonal ku lo deleitá e bishitantenan ku demostrashonnan úniko di kushinamentu. Chef nan konfirmá ta ‘Head Chef’ ofisial di White House Sr. John Muller, Chef di Walt Disney Magic Kingdom Sr. Antonio Albertsz, ‘Executive Chef’ di Goya Sr. Fernando Desa i por último Sr. Justin Niessen, un chef yu di Kòrsou ku a habri su mes restorant na Rotterdam. Ademas, Flavors of Curaçao lo proveé un grupo chikí e oportunidat pa disfrutá di un sena íntimo riba 28 di Sèptèmber kual lo wòrdu prepará pa e chef nan internashonal ariba menshoná.
Banda di un gran variedat di kuminda, Flavors of Curaçao lo tin barnan bon surtí ku bibidanan ‘Premium’. Tambe lo tin un bar ku lo brinda cocktail nan Karibense prepará pa e Bartender di Aña 2017 i un bartender internahonal invitá. Dimes un magno evento kulinario manera Flavors of Curaçao ta rekerí bon músika. Pa sigurá esaki, Flavors of Curaçao a hinka e parti di músika den man di DJ Ryan i DJ LU-C.
Flavors of Curaçao ta kontentu pa anunsiá ku e aña aki nos lo kolaborá ku e evento Kosecha Kultural pa asina kontribuí na Prins Bernhard Cultuurfonds. Tur konsumidó ku ta interesá den ámbos evento por kumpra e ‘Culture Pass’ i asina haña akseso na tur dos evento. Kada kompra di un ‘Culture Pass’ lo fungi alabes komo un donashon chikitu na Prins Bernhard Cultuurfonds.
Branding i media partners pa e evento aki ta inklui Guardian Group, Curaçao Airport Holding, Curaçao Tourism Board, Trogon International, Curaçao Airport Partners, Curaçao Ports Authority, CINEX, Chamber of Commerce, Orco Bank, Licores Maduro, Bacardí, Dewar’s, La Marca, San Benedetto, Beuk Horeca, KLM, Jingle Planet, Coca Cola, Avis, Critical Communication Caribbean, Hertz, Hilton, Massive Production, Staff Browser, The Suite, Hi Printing, Spin Media, Tovari, Trogon International, TUNA Creative Agency, Radio Direct, Dolfijn FM, TCFM, Radio Active, TeleCuraçao and TV Direct.
Pa mas informashon i detayes por fabor bishita nos wepsait www.FlavorsCuracao.com i ‘like’ nos página di Facebook www.facebook.com/Flavors.of.Curacao
