Dia 5 di februari ta e deadline pa paga Impuesto riba vehiculo di motor y tin cu remarca cu ainda falta mas di 34 mil plachi pa paga pa loke ta e plachinan A. Un cifra increibel. Esaki ta trece cu ne, cu si nan no ta paga prome cu e deadline, mileslo haya un multa administrativo segun ley di impuesto. Ora cu bin paga e impuesto di number di auto, si debe 300 florin por ehepel, 50% lo ta multa.
Kisas tin un motibo cu hendenan no ta bin paga. Tin crisis, pero realidad di bida ta cu mas di 41 mil plachi di number no ta paga. Gobierno a alarga pa duna espacio pa hende bin paga.
E aña aki sigur ta bay bira un aña di problema, mirando cu tin masha hopi auto ta coriendo riba caya cu nan number no ta paga y probablemente nan seguro no lo ta paga tampoco. Polis ta bay tin un tarea teribel.
No ta normal, cu faltando dos dia despues cu a alarga, e hendenan a cuminsa reacciona. Si ainda bo kier paga, e luga ta bashi, bo por yega, of bay tambe na un di e MFA nan pa haci bo pago. Evita cu diabierna ta yega y bo haya aglomeracion. Hopi ta bisa cu ta warda placa di FASE, otronan ta sin trabao. Pero realidad ta cu e departamento di impuesto ainda tin hopi plachi habri. Tabata tin chens pa haci areglo for di aña pasa, pero poco hende a sa di uza e opcion aki.
E hecho ta, cu despues di dia cinco di februari, e aanslagnan ta sali cu 50% di multa riba e tarifa di impuesto. Ainda tin chens, haci uzo di dje.