Segun cu e situacion di turismo na Aruba ta sigui evoluciona, AHATA ta ahusta su pronostico pa hotelnan di Aruba pa 2021 mas ainda. Na october 2020, e Asociacion di Hotel y Turismo di Aruba (AHATA) a pronostica cu hotelnan di Aruba lo mira un ocupacion anual promedio pa hotelnan di Aruba di 45% den kalender di 2021, cu e hotelnan registrando un ocupacion promedio di 34% den e prome trimester di 2021.
Mientras cu e situacion ta desaroya, AHATA a sigui mantene den contacto cu su hotelnan miembro y na december a ahusta e pronostico mas abao pa refleha un calculacion nobo di 42% pa e aña calendario 2021 y 33% pa e prome trimester di 2021.
Cu e introduccion di protocolnan nobo mas estricto di parti di Gobierno di Merca como consecuencia di instalacion di e presidente nobo, AHATA a ahusta su pronosticonan pa 2021 ainda mas.
AHATA awo ta pronostica cu hotelnan na Aruba lo mira un ocupacion promedio di camber di 39% den e aña calendario 2021 y un ocupacion promedio di camber di 27% den e prome trimester di 2021.
