Expo avond di Maria College ta ilustra e cambio desea den educacion

Maria College tabata tin un expo avond, caminda cu ta bezig ta expone tur obra di e muchanan cu nan a haci henter e aña escolar aki.

Segun Nathalie Richardson, docente di Ingles y vaksectie coordinator di Ingles, e talendorp tabata un parti, caminda cu ta bezig ta uzando e teoria y pon’e den practica.

Vak

E expo en cuestion tabata un proyecto grandi cual ta di Geschiedenis, CKB, hunto cu Spaño. E ta un vakoverstijgende project.

E proyecto di diamars tabata e talendorp, cual ta e vaknan di Hulandes, Spaño, Ingles y Papiamento, hunto cu CBM. Parti ariba di e scol, tabata tin algun obra cu e muchanan a traha di CKB, PV. Tambe di e vak ASW, cual ta algo hopi bunita, cual ta esun di “MI herencia”, unda cu a tuma e tempo pa bay wak e monumentonan di Aruba y siña e muchanan kico nan ta hayando den nan buki y mustra nan con e ta. E muchanan a haci un research di dje y traha un maquette.


E actividad

Richardson a splica cu ta hopi importante pa laga e mayornan wak, cu e docentenan si kier e cambio cu tin pa educacion. Nan kier pa e muchanan siña mas y ta miho prepara pa futuro.

Den realidad, ora cu nan ta na scol, nan ta siña hopi cos den teoria, pero ora cu nan bay den mundo real, e ta mas practica. E ora mester mustra nan, cu esaki ta haya y con e ta den e practica, pa nan por cuminsa wak’e miho, no solamente pa siña mas nan habilidadnan, manera social skills, cual cu tin di haber cu cooperacion den e comunidad.


Expo avond di Maria College ta ilustra e cambio desea den educacion

Posted by 24ora on Wednesday, April 17, 2019

Klas 1-2

Segun juffrouw Juraine Oduber, docente di Ingles y coordinador di Ciclo Basico, e muchanan di ciclo basico 1 y 2 y ciclo avansa 1 ta participa den e proyecto aki. E proyecto di Maria Gaat op Reis, ta amplio. Esey ta nifica cu tur materia ta bezig ta forma parti na e proyecto. Ciclo basico ta uza proyectonan mas chikito, pa siña nan loke nan tin mester. Den ciclo Avansa nan por traha riba proyectonan grandi mes.

Esaki ta sosode pa di dos biaha, y sigur no e delaster. Tur aña ta tuma un otro tema cual ta enfoca riba dje. Cada materia ta draai nan proyecto riba e tema ey.

Por ehempel e proyecto di CKV, Spaans y Geschiedenis, e proyecto aki ta basa riba pasado, futuro y presente. Nan ta concentra riba con nan imaginacion, con nan por wak e isla, of e luga cu nan a scoge den futuro, uzando informacion di presente y pasado.

Aki nan ta crea conhuntamente cu e tema di aña, nan vision di e proyecto cu nan ta haciendo.

Cada proyecto ta pa un cifra. Tur cos ta wordo evalua via di un sistema di rubrica. Semper e muchanan sa y ta habri pa wak dicon y pa compronde tambe dicon e cifra ta loke nan a haya.


Gradicimento

Prome cu tur cos ta gradici e colega y alumnonan y nan mayornan, pasobra sin nan no por a haci esaki posibel. Tambe kier a gradici minister di Enseñansa cu a yuda cu tent. Tambe e directorado di DOW y e minister concerni. Tambe kier a gradici pa e sponsor di e luznan y por lo general tur otro hende cu di un manera of otro cu por a lubida, cu a contribui na e exito di e proyecto na e aña aki.


Comments

comments