Den un Alhambra Ballroom completamente yen, Conferencia“Dare To Be” a tuma lugar ariba Diasabra, 7 di September. Organisacion WOW Aruba a trese pa prome biaha un combinacion di oradornan local y internacional unda cu cada un a presenta teorianan pa sinja desaroya habilidadnan pa confrontaretonan diario profesional y personal.
Conferencia “Dare To Be”, a reta invitadonan pa durf ta lokenan ta desea di ta den nan presente y futuro. Dare To Be You, Dare To Be Creative, Dare To Be Inspired, Dare To Take Action, tabata poco di e mensahenan durante e mainta informativo aki.
Damanan di WOW Aruba ta sumamente satisfecho cu e acogidaden comunidad, nan ta considera e evento aki uno exitoso undacu por a trese mensahenan di inspiracion y accion den un manera accesibel y interactivo pa ambos hende homber y hende muher y sigur lo ripiti esaki den anjanan venidero.
Durante e conferencia sigur tabatin momentonan special unda cu oradornan internacional a pone e audiencia riba pia pa sali for nan “comfort zone” y energisa tur hende door di mensahenanclave presenta den un manera interactivo y llamativo.
Organisacion WOW Aruba kier extende palabra di agradecimento na tur sponsor cu a hasi e evento aki posibel. Divi All Inclusive Resort, Alhambra Ballroom, Futura, SetarN.V., Aruba Bank N.V., Elite Productions & Entertainment, Romar Trading, Clickprint, La Quinta Beach Resort, Emco, Pelican Adventures, The Westdeck, The Old Fisherman, AziaRestaurant & Lounge, Subway, JM Auto Leasing, Around Aruba Tours, Philips Animal Garden y Frasa Trading.
Tambe na tur e damanan di WOW Aruba en especial tur voluntario cu a yuda hasi e conferencia aki posibel.
