Pa loke ta e introduccion di BTW, anteriormente ya caba e gremionan a indica cu nan no ta na fabor di aumenta ningun impuesto.
Gobierno a indica cu nan ta duna oido na e gremionan, sinembargo nan no ta na fabor di introduccion di e medidanan aki.
Segun Prome Minister, Evelyn Wever-Croes, den un reunion cu el a tene cu e gremionan, nan a propone pa no introduci BTW aworaki, pero mas bien bin c’un aumento di BBO cu un of dos porciento. Si puntra pa aumenta belasting, di mes e contesta ta no. Cada gremio ta duna nan deseonan.
Gobierno ta goberna a base di scucha, evalua, studia bon y tuma decision. Claro cu no por complace tur hende, mester trek un liña cu ta mas cerca di tur. Goberna kiermen a tuma e decision y ta para p’e decision. Pero a hacie den dialogo.
