Parlamentario pa frakshon di MAN srEugeneCleopa a manda un karta pa Minister di Tráfiko, Transporte i Planifikashon UrbanoSra. Z. A. M. Jesus-Leito ku e proposishon pa bini ku un mirador ku tin bista pa nos sentro suidat.Kòrsou ta un area turístiko i pa kual hopi turista ta atmirá entre otro nos naturalesa i tambe nos sentro di siudat.
Kada biaha di nobo na momentu ku tin barku ku ta bishita nos pais ku yen turista mi ta tuma nota kaminda hopi turista ta subi riba nos brùg Juliana pa asina por gosa di e bista impreshonante di nos sentro di siudat. Teniendo kuenta ku ta prohibí pa peaton kana riba e brùg menshoná ta trese kuné ku e turista ta haña ku un situashon peligroso na momentu ku e ke bai wak nos sentro di siudat di ariba. Relashoná ku esaki mi ke sa ku si tin posibilidat den futuro nos por konstruí un mirador den kual e turista por disfrutá di nos sentro di siudat sin tin ku kore rísiko den tráfiko manera ta pasando aktualmente riba nos brùg. Ku esaki nos ta invertí pa hasi nos aera turístiko mucha mas atraktivo i pa asina akapará mas turista pa nos pais.
Relashoná ku esaki Parlamentario Cleopa a hasi Minister sraZitaLeito e siguiente preguntanan.
- Minister ta di akuerdo ku mi ku e peliger ku na e momentu nan aki ta krea riba via públiko spesífikamente brùg Juliana na momentu ku turista i tambe hende lokal kier sa saka potrèt di nos haf siendo ku esaki por trese sierto peliger kuné?
- Minister ta dispuesto di kuminsá kana un prosedura pa nos por yega na un pida espasio kaminda lo por traha un mirador ku bisti den nos haf?
