Propietario ta yega y topa su luga kibra y klapchi horta. Esaki ta e caso awe mainta na e container di klapchi pariba di rotonde di Tarabana.
Awe ta ultimo dia pa bende klapchi pero parce cu malasuerte ta di nan banda. Segun por a compronde tambe cu esaki no ta prome aña cu esaki ta pasa na e localidad aki. Ladron (nan) a corta e candal part’i patras y pone bek na su luga, manera nada un pasa.
Segun por a tuma nota na sitio, tin indicacion cu e malechornan aki mester a bin cu generator y/ of ‘cutting machine’ pa logra asina corta dicho candal.
A logra bay cu 2 pagara di 1 miyon, 3 di 1/2 miyon, 4 di 300 mil y 5 di 200 mil tiro. Polis a presenta pa asina tuma datos y cuminsa un investigacion
