Chauffeurnan mester ta mas responsabel riba caminda. Mester comporta bo mes den trafico pasobra no ta bo so ta usa e cayanandi Aruba. E chauffeur di e Mercedes Bens aki a haya bon di para e auto riba e Verkeers Plateau dilanti Biblioteca Nacional na Playa den George Madurostraat.
E no ta solamente un Verkeers Plateau pero ta wordo considera tambe como un zebrapad dilanti Biblioteca. Parando un auto riba e pida Verkeers Plateau bo ta causa un peliger. E ta hopi iresponsabel di e chauffeur cu a haci esaki. Cu tanto espacio cu tin para para auto, ta escohe pa pone e auto net riba e parti aki. Danki Dios ta diadomingo cu e trafico di peaton no ta asina halto.
