Hunga Teca a cuminsa manera un simiya cu ora a sembr’e a cay den bon tera, cria raiz fuerte y crece bira un mata chikito cu poco poco a crece bira grandi dor di e sosten, cariño y aporte di masha hopi hende y instancia. “E sentimento cu ta prevalece awor ta di gratitud y alegria pasobra nos por a inicia e proyecto aki. Y nos ta spera cu e proyecto aki por wordu continua pa e proximo 100 añanan cu ta bin cu e mesun energia, entusiasmo, pasion y amor cu HUNGA TECA a nace cune”, asina Yamila Hoevertsz-Kock, Presidente di e fundacion a bisa durante su discurso na ocasion di apertura di e fundacion situa na YMCA San Nicolas.
Ta comproba cientificamente cu hunga cu co’i hunga y wega, specialmente si esaki pasa den famia, ta contribui na un desaroyo total di un mucha. Ora un mucha hunga, e ta bira contento, sabi, creativo y ta crece lihe y miho. E ta siña anda cu otro hende, coopera, comparti y acepta su derota na un manera sano, locual ta prepara e mucha pa locual ta sper’e den comunidad.
Yamila Hoevertsz-Kock a start su carera como docente na aña 1976 na Maria College MAVO y a bay cu pensioen oficialmente na aña 2015. El a traha entre otro na Hulanda na Scholengemeenschap Huygenwaard, duna gastcolleges na Universiteit van Amsterdam, a duna les na Colegio Arubano, MAO y EPI.
”Ademas, hunga ta un di e derechonan di Mucha. Laga e mucha hunga, core, cay, lanta, hari, yora, susha su curpa...esey ta bon p’e!”, asina Yamila Hoevertsz-Kock a enfatisa den su discurso.
Na Hunga Teca, e mucha,compaña pa un mayor, abuelo/a of educador por pasa pa fia un co’i hunga of wega educativo. Tur e co’i hunganan y weganan cu tin ta duna como regalo di otro muchanan. Di e manera aki un mucha ta siña e alegria di duna y comparti.
Hunga Teca ta gradici e alumnonan di Mon Plaisir Basis school, yiunan di famia, amistadnan y conocinan cu a regala nan co’i hunga y weganan.
Muchanan cu kier presta un co'i hunga awo por pasa na Hunga Tecahttps://24ora.tv/2m6m2WM
”Mayor, educador, abuelo/abuela, nos muchanan ta manera un simiya. Pone nan den un tera fertilisa cu amor, atencion positivo, disciplina, norma y balor y nos lo wak e simiya haya raiz fuerte y crece bira un mata solido cu flor y fruta bunita y dushi”, esey tabata conseho di Hoevertsz-Kock.
Hunga Teca no por tabata posibel sin ayudo di patrosinadonan cu mesora a deposita nan confiansa den e proyecto aki. Nan ta:
– Kiwanis Club of Palm Beach Aruba
– Aruba Investment Bank (AIB-Bank)
– CIBC (First Caribbean International Bank)
– Optica Oduber & Kan
– Capture Marketing
– Artmando Multimedia
– Kooyman
– Sanghita Muntslag
– Sascha Nieuwenhuis
– Complete Solutions
– Live Music Aruba
– Flora Market
– Super Food
– BeauSoftware
Tur esaki, siendo cu ainda tin un lista di otronan cu a coopera cu e fundacion recien funda. Nan ta:
– YMCA
– Scol Basico Filomena College
– Ritz Carlton
– Pofferdorie
– Telefon Pa Hubentud
– Tienda Di Educacion
– Squla.nl
– Dj LWLeo Werleman
– Martin Buitenweg Y Sanghita Muntslag di Close Call
Hunga Teca ta conta cu varios boluntario, cu ta lora manga di camisa y traha pa e fundacion den nan tempo liber. Nan ta:
