Nos a drenta den un aña di sorpresa. Por a scucha nos promer minister expresa cu e ta dispuesto pa acepta un decreto real (rijkswet) si Hulanda pordona Aruba su debe. Tambe nos prome minister ta papia cu si bin un otro gobierno y bin cu un otro maneho y no cumpli cu locual cu a palabra, Hulanda por bin cu algo similar na COHO.
Segun lider di partido CURPA, Eric Ras, expression di nos prome minister ta duna un indicacion cu fin di su tempo como prome minister ta yegando. Tin hopi cos ta tumando luga tra’i cortina y cu nos prome minister a realisa cu su dianan di su gobierno ta conta y su fecha di caduca a yega. E daño causa pa mal adiministracion di placa di pueblo ta hopi grandi pero e daño haci na inmagen di partido MEP tambe ta grandi. No papia mes di e disgusto bao di pueblo di Aruba.
Den luna di december 2022 tabata circula un afkondigingsblad cu lo debolbe e empleadonan publico nan 7.6% despues di dictatorialmente a baha salario y baha e primanan. Tur cos ta mustra cu nos gobierno a sink Aruba y ta busca un pretexto pa bula afo y pa no carga e fama di ta pio gobierno den historia di Aruba. Nos por corda den forma scondi el a bishita e graf di su omo pa despues subi avion bay Hulanda y a firma bij het kruisje y asina a bende nos autonomia.
Mesun cos cu el a sconde tras di Hulanda ora cu a corta 60 miyon den AZV y el a haci ora di e 5% den e salario di empleadonan publico. E wega di cac’i sconde tras di Hulanda ta sigui pa locual cu ta trata e 7.6% cu gobierno a ranca for di saco di e empleadonan publico. Supuestamente pa contribui cu FASE. Nos minister di finansa no kier papia mes di e 7.6%. Kico tin scondi cu e tin miedo? Pueblo no mester lubida cu e placa mal ranca no a bay pa yuda ningun hende. E rapport di Algemene Rekenkamer ta papia cla y ta señala un maneho desastroso cu placa di empleadonan publico di parti di gobierno caminda hasta morto a cobra fase. Nos tin un Parlamento integro cu a vota pa tapa mal maneho di e ministro encarga.
Te cu dia awe ainda no tin claridad riba e planta di purificacion na Bubaliplas pasobra un rato ta papia cu e ta bay bao di WEB NV y otro ora e ta keda bao di DOW y tambe tin papia cu lo privatis’e. Mientras cu e dianan ta pasa, situacion ta bira pio. Un partido RAIZ cu ta gelijm na gobierno a perde tur credibilidad.
Tur cos lo sali na claridad. Nos por mira cu e gobiernonan tabata motiva pa mas hende posibel tuma e vacuna cu ni pa animal e ta sirbi pasobra hasta animal e ta mata, corda hende. Mira con un World Health Organisation a uza bida di hende manera un negoshi y gana biyones di dollar. Por lo menos 17 mil cientifico y dokter a declara cu Pflizer, Moderna, BioNTech, Janssen y Astra Zenecan a sconde informacion concientemente p’e doktery pashentnan cu na final ta conduci na morto toxico. Mester acusa nan inmediatamente pa fraude y morto. E metanan di desaroyo sostenibel agenda 2030 ta un agenda diabolico cu tanto partido MEP como partido AVP a bay di acuerdo cu’ne. Mas pio ainda cu tin supuestamente Cristian nan cu ta sigui apoya e partidonan aki te dia di awe. Un agenda cu su meta ta destrui e famia crea pa Dios y baha poblacion di mundo.
Como cristian, no ta importa dominacion, mester lanta para y manifesta pa nos derecho di libertad. Si aproba e matrimonio di mesun sexo su tras lo bin e ley pa legalisa pedofil. Laga nos mester pidi Dios misericordia y pa corta e periodo di gobernacion di e gobierno anticristian aki. Esaki ta e tempo pa nos busca cara di Dios y hala for nos mal caminda y pidi Dios pordon y p’E sana nos Tera y pa salba nos isla. Partido Curpa t’e unico partido cu ta para pa e famia. Ta tempo di husticia.
