Dia 14 di November 2022 tabatin un conferencia riba e cambio climatico cu a tuma luga na Egipto. E conferencia aki ta nada otro con pa yega na un agenda pa tin control riba humanidad. Prueba di esaki ta cu e paisnan grandi manera China y India cu ta entre esunnan cu ta produci polucion na mundo no a contribui cu nada, mientras e otro paisnan grandi ta contribui cu biyones di dollar pa acapara e daño ocasiona n’e paisnan menos rico di mundo. Nos mester puntra nos mes sinembargo con e biyones lo ta reparti y uza.
Nos por mira cu gobierno Hulandes ta sigui pone presion riba e ganaderonan pa kita nan tereno. Gobierno Hulandes a bay asina leu di menasa e ganaderonan cu dwangsom si nan no entrega nan tereno. E minister concerni den debate cu Tweede Kamer no por a contesta e motibo cu e boeren mester entrega nan tereno. E boeren a duna e gobierno Hulandes un ultimatum cu si gobierno no hala atras den 2 siman lo bay tin un manifestacion pisa den henter Hulanda. Mas ainda cu Hulanda ta un di e paisnan cu mas ta produci alimento. Kitamento di e terenonan aki for di e boeren lo resulta cu menos alimento lo ta produci mundialmente. Menos alimento y menos entrada den e economia Hulandes. Ridiculo t’e ponencia cu e bestianan ta haci daño n’e clima y p’esey mester kita tereno, pero realidad ta cu lo traha flat riba e tereno pa stranhero bin biba. Mas pio ainda ta cu sigui corta mata di e mondinan (bos) y kier tira culpa riba Brasil pa cortamento di mata den Amazonas.
E prome-minister Italiano a haci masha bon di critica e motibonan pa habri frontera y laga e Africanonan bin biba na Europa. Pakico no yuda e paisnan Africano para riba nan pia economicamente enbes di masacra e paisnan Africano, kitando nan rikesa y riba dje uza mucha como cheap labour. Nacionnan Uni ta keda keto y no ta papia di kinderarbeid. Mesun cos ta pasa den e minanan unda ta saca e materia prima pa traha bateria p’e autonan electrico. Mester asina hopi material pa traha un bateria pa un auto electronico. Esaki ta e energia sostenibel? Kico lo haci cu e baterianan ora cu nan no ta sirbi mas? Imagina bo 250 kilo pa un bateria pa un auto electrico. E baterianan ey ta pio cu e petroleo cu ta uza pa diferente producto. By the way e molinan di biento tambe ta uza productonan cu ta sali for di petroleo. Kico lo haci cu e molinanan cu despues di tempo no por haci uzo mas di nan? Dera nan? Esaki nos ta yama green?
E ultimo reunionnan di Nacionnan Uni kier mas control riba henter mundo. Hende mester stop di come carni pa bay come un carni sintetico. E fruta sin simiya tin su motibo su tras. Lo bo no por sembra mas y lo bo tin cu depende di otro. Lo bo ta prohibi pa sembra. Lo bo tin cu depende di locual cu nan kier pa bo come. Kico nos por spera di Nacionnan Uni? Nacionnan Uni tin tur plan traha p’e gobierno global. Nos no mester lubida cu Aruba t’e prome pais den Caribe cu a firma dia 17 di December 2020 cu Common Trust Network cu ta bao di World Economic Forum cu tin e lema: ”Lo bo no tin nada y lo bo ta feliz”. E ultimo reunion na Indonesia di G20 a bay riba introduccion di e paspoort y e moneda digital. Nos sa cu e paspoort digital ta solamente p’esunnan cu a tuma e experiment genetico cu nan ta yama vacuna cu no ta un vacuna por biaha y si bin cu e moneda digital lo bira mas facil pa blok bo cuenta na banco. Nos gobierno comunista kier tin control riba henter poblacion di Aruba. Lo bo no tin libertad mas y asina nos lo tin cu biba nan merced esta na rudia. Esaki ta plan diabolico cu nos gobierno kier hinca nos pueblo aden. Gobierno ta manera e baca flaco cu a come baca gordo (pueblo). Esun sembra lo cosecha. Nos oracion mester ta pa Dios libra nos di tur inhusticia y pa husticia di Dios reina riba Aruba. E gobierno comunista aki no tin bienestar di nos pueblo na pecho.
