Recientemente nos a ricibi informacion cu tin cambio den maneho di Scol Practico pa Ofishi (SPO) Santa Cruz. Parce e director a ricibi un carta na comienso di aña informand’e cu; entrante fin di luna e tin cu bay un otro scol y cu Minister Endy Croes a pone un Management Team consistiendo di dos persona na su luga. Durante conferencia di prensa a puntra Minister Croes riba e echo aki, di su banda el a confirma cu e director di SPO no a ricibi su retiro y cu otro siman e lo elabora riba e topico aki. For di fuente hopi cerca ta confirma cu locual e minister a declara, no necesariamente ta cuadra cu e berdad.
Hasta a sigura cu e ex-director di fam Thiel, posiblemente lo ta esun cu lo regresa. Tambe tabata papia cu ex-minister, Chris Romero, kende cu no a bay riba lista di MEP pa motibo cu e no a haya e number desea, lo ta un posibel candidato pa bira director. Minister Croes a reacciona bisando cu esey no ta berdad y cu Chris Romero lo ta un candidato pa 24ora.com pero no pa director.
