Tin algun preocupacion entre esnan cu ta traha den mundo di adiccion. Edmundo Marlin di SEPPA a splica cu tin un situacion andando cu e trahadonan di FMAA.
Esey ta e grupo cu ta atende hendenan cu adiccion. A manda diferente carta na Minister pa inform’e di un situacion cu ta andando y pa atende cu esaki. Aparentemente actualmente tin un situacion hopi serio ta andando caminda cu tin cosnan ta tumando luga eynan, cu na cierto momento no tin control. Ningun hende no sa ken ta dicidi kico y con cierto cosnan ta bay.
E cosnan aki a pidi minister caba pa por atende e asuntonan aki cun’e y pa bin un claridad precies den ki direccion nan kier bay cu adiccion na Aruba pa e hendenan cu atende cu e clientenan aki.
Segun Marlin, minister no ta dunando oido despues di diferente carta cu a bay y trahadonan a cuminsa cansa. Cualkier momento nan por pone e luga plat. Ta pa e motibo ey SEPPA ta advirtiendo e minister pa bay sinta na mesa, atende e problemanan cu tin y pa bin cu un maneho cu ta mas coherente awor aki pa FMAA. No tin un maneho eyden. Ningun hende no sa ken ta dicidi kico y con cierto cosnan ta bay. Pero tin decisionnan ta wordo tuma y no tin ningun cu ta para responsabel y bisa con esaki a bay asina.
Awor aki, trahadonan ta fada y nan kier atencion. Si minister no tuma e posicion di sinta na mesa y atende tur e problemanan cu tin, cu ta un cantidad grandi, e por spera un reaccion di e trahadonan cu por desemboca den un accion.
FMAA ta consisti di varios luga, entre otro di Centro Colorado y esun cu ta na KIA. Tambe tin e grupo cu supuestamente ta cay bao di FADA. Tin mas grupo, pero e situacion ta awor aki cu e gruponan aki, e trahadonan, vooral esnan na Centro Colordo ta confrontando hopi problema awor aki. Hopi cos ta sosode eyden y na cierto momento no tin un hende cu por tuma e decisionnan manera cu mester ta. Decisionnan ta wordo tuma, pero ningun hende no sa di unda e decisionnan aki ta bin. Cierto momento e trahadonan no por traha den un maneho asina cu ningun hende no sa kende ta dicidi kico, ni con. Ta pesey a bisa minister, den un reunion aña pasa, for di na Mei y despues di esey a manda diferente carta pa atende cun’e riba e problematica cu a cuminsa bin acerca. Te awe no a haya ningun oido. Trahadonan a pone SEPPA bon cla na altura cu nan ta fada y nan no ta bay warda mas. Si no tin nada ta bay tuma luga, nan ta bay tuma accion. E ora ey minister tin cu haya su mes cu trahadonan mal contento den accion, pasobra e no a atende cu nan na mesa y banda di esey, hasta e trahadonan a duna di conoce cu aña pasa e minister a papia cu diferente stakeholder riba adiccion y cu tin di haber cu esaki y problemanan mental, pa asina por bin cu un maneho nobo.
Trahadonan di FMAA a sinti cu el a papia cu tur hende, menos nan cu ta riba veld, cu ta haciendo e trabao eynan. Te awe, e reunion eynan no a tuma luga cu e trahadonan. Nan ta fada cu nan kiermen cu si minister no bin sinta na mesa cu SEPPA pa atende cu e problemanan aki, por spera un accion di parti di e trahadonan.
Prioridadnan
Segun Marlin, un di e prioridadnan di FMAA ta maneho. E maneho mester ta cu tur hende sa ken ta esun cu ta dirigi. Riba dje, si minister a dicidi caba ken lo bay duna ordo den FMAA. Awor aki ningun trahado no sa precies ken ta manehando FMAA.
Otro prioridad ta, kico lo bay pasa cu FMAA. Kico ta e intencion di e minister. Hopi cos ta wordo papia y e trahadonan no ta haya e informacionnan aki.
Tambe e promocionnan cu ta pega. Otro prioridad ta e trahadonan cu ta empleadonan publico, cu a wordo hinca den FMAA y nan a dicidi cu despues di tanto cos cu nan a mira, nan no kier ta pa ter beschikking mas y ta den gobierno den cualkier otro departamento.
E grupo aki a bisa bon cla, nan no kier mas ta den ningun fundacion. Nan kier bay bek como ambtenaar den un departamento di gobierno.
Eynan caba bo ta mira desaroyo cu ta tumando luga, cu tin e trahadonan fada. Door cu no ta hayando contesta, e trahadonan di ta basta. Nan kier pa minister y gobierno tuma e decisionnan cu ta bay ta na bienestar pa e trahado y e comunidad. Awor aki, riba e asunto di esnan cu tin problema cu droga, no tin un maneho.
