E Dominicano Michael Bautista cu a dal auto core bay na Tanki Leendert, tin un lista largo di delito cu e ta wordo sospecha di dje. Pa algun tempo desde aña pasa tin un ordo di detencion pa e sospechoso aki.
E tin di haber cu un hincamento serio cu a tuma lugar na altura di Sand Bar. Asina mes cu el a comete e delito aki, e tabata move den e area banda di Hot Zone. Hasta parce cu tin Polis cu no tabata sa cu tin buskeda pe. Despues di e hincamento, e mesun sospechoso aki a bay tambe dia 16 di December marduga na un compleho di apartamento na Tanki Leendert y menaza un dama cu cuchiu.
Amiganan Hulandes a yama Polis mesora. El a logra huy drenta mondi. No a haye mas. Despues tabata diadomingo ora cu un biaha mas e tabata den noticia. E biaha aki Michael Bautista naci na Republica Dominicana dia 6 di December 1989 a dal auto core bay. E prome accidente tabata den Matadera. E persona a sigui Michael Bautista. Durante su huida el a dal cu e auto cu number di V-Wagen riba dje. Djey e auto no por a sigui core. El a baha core na pia.
El a perde den Tanki Leendert. Djey na Airport a detene ora e kier a Sali for di Aruba. E auto cu el a accidenta tabata tin plachi V riba dje. E plachi aki el a horta. E plachi a ser horta for di un vehiculo unda e tabata traha y a wordo kita pa ladronicia. Kiermen e persona aki tin un lista largo di cosnan cometi riba Aruba. Spera cu husticia baha pisa riba dje y djey tambe si e no tin nacionalidad Hulandes, sake for di Aruba. Si e keda na Aruba e lo continua cu su cosnan.
