Edward van de Biezen su tema nobo “Bin Awor” ta bin di su produccion audiovisual
“Acoustic Set” cu a pasa na Television na Aruba y asina a dicidi di expone e tema’ki cu ta un
composicion y areglo di Armin Solo.
Edward despues di a presenta e tema aki den su proyecto audiovisual a dicidi hunto cu Armin
p’asina lansa esaki como un tema promocional.
Den e produccion musical aki a conta cu varios musico di taya manera entre otro Jeremy
Bonnariba, Sergio Silva, Nelson Croes, Lazaro Barizonte, Edgard Ojeda, Kris Cross cu e aparicion special di Armin Solo cu su guitara electrico.
E proyecto aki a conta cu e contribucion importante di Prins Bernhard Cultuurfonds di cual Edward van der Biezen a gradici masha hopi mes cu esaki a por a bira un realidad.
“Bin Awor” tin su storia, na momento cu tabata traha riba djie, inicialmente esaki tabata
completamente un otro swing y na midi cu a keda elabora y a cuminsa haya forma, e la bira un bachata na Papiamento cu acorde nan ‘pop’ cu ta dune un flow y dimencion diferente.
Jeremy Bonnariba a hinka e parti di percucion su tras y asina cos nan a sigui di cual e la haya su
puesto den e repertorio di e proyecto ‘Acoustic Set’.
Armin Solo a señala: ”Mi conoce Edward masha hopi tempo como persona y artista. Cu Edward
mi sa comparti hopi presentacion na hotel”. Tabata un par di luna pasa cu Edward a pone den circulacion un afro-reggeuton di su autoria titula “Tur dia” cu a resulta un exito, n’e ocacion ey e la bisa cu e ta trahando riba diferente cos y ata’ki e tema di su proyecto “Acoustic Set”.
Link Acoustic Ste live show:
https://www.youtube.com/watch?v=bJw3Nk8cOPg&t=14s&ab_channel=EttoMusic
E-mail: [email protected]
Contact: +2977411735
