Wichita Villacres, presidente y CEO y Maoreen Every, Managing Director y COO di ECO Destination Managment Services of Aruba y nan team dinamico, recientemente a haya un di e reconocimentonan mas prestigioso di e industria, e SITE Crystal Award, e honor mas halto na mundo den e industria di biahenan di incentivo.
SITE Crystal Award ta reconoce programanan di incentivonan crectivo, practico y berdaderamente memorabel cu ta mantene e empleadonan comprometi y impulsa den e negoshi. E ganadonan ta representa e excelencia den nan profesion y ta ofrece un ehempel di experiencianan inspirado y resultadonan den e negoshi.
ECO DMS a supera tur e otro competidornan internacional durante e aña intenso di e programa di actividad, concebi y ehecuta cu perfeccion durante e celebracion di e di 30 aniversario di e compania, cu a reconoce y a celebra e tres circulo di compromiso di e compania, e comunidad di e isla, clientenan local y internaciona y empleadonan fiel.
Mirando atras, Villacres a declara, tabata un aña hopi gratificante cu a culmina cu un evento di invitacion di cuater dia, cu a inclui tur e socionan internacional di e compania, brindando pa trinta aña di colaboracion exitoso y e aprobacion di e batuta, como Managing Director, Maoreen Every, yiu muhe di Villacres, a establece su mes como e futuro y carismatico lider di e compania.
E feedback cu nos a haya, Villacres a agrega, tabta cu ningun otro DMC a emprende un programa di e alcance y magnitud aki, ya cu tabata un esfuerso di un aña largo.
