Recientemente Janith Agunbero, Activities Manager na Eagle Aruba Resort a anuncia preparacion grandi na e hotel pa acomoda nos localnan cu kier pasa Pasco y Aña Nobo den hotel. Eagle Aruba Resort a traha un pakete cu nos localnan den mente y cu e invitacion pa “Bin pasa Pasco cerca NOS “ cual a bira nomber di e campaña.
E pakete ta encera un minimo di dos anochi, caminda cu e anochi di Pasco lo brinda e huesped un trato inolvidabel y lo trece e cena te na camber. Cena lo consisti di e tradicional ham di pasco, ayaka, aros y tur demas cu ta tradicional pa un cena di Pasco.
Di awo caba por tuma contacto cu e departamento di reservacion of na frontdesk, tambe por subi riba e website pa tur informacion. Fecha pa e estadia special aki lo ta for di dia 22 di december pa dia 26 di december. Number di telefoon ta 587-9000.
Den fase final di renobacion cu 80% di e Resort renoba caba pa ofrece na e huesped cu kier keda cerca nan. A inverti un suma di aproximadamente $50 miyon na renobacion di cual nan ta masha contento y satisfecho. E fiel clientenan di Eagle Resort Aruba lo aprecia e cambionan inmediatamente pasobra ta un cambio total, di tegels pa muebles y asina por menciona mas. Tur camber cu antes tabata considera standard a bira cambernan premium agregando un poco mas luho y detaye.
Eagle Aruba Resort ta orguyoso di e staff cu tin pa brinda un servicio di calidad y di amabilidad. Janith Agunbero ta sigur cu hopi ta considera e resort aki nan di dos cas y pa nan ta mas cu un placer di por atende y sirbi nan den e temporada di Pasco aki un biaha mas.
Nada mas dushi cu bin pasa e dianan di fiesta den un atmosfera trankil, pa descansa e mente un poco y relaha den e poolnan y disfruta di un sushi cena tradicional prepara pa e chefnan pa e temporada di Pasco.
Pakete “Bin pasa Pasco cerca Nos” cu prijs special di $444 pa dos anochi y maximo dos persona den camber, entre fechanan menciona cu ta 22 di december te cu 26 december. Perfecto pa un pareha cu kier pasa un Pasco diferente den ambiente local.
Kedando den e mes un ambiente di fin di aña, Eagle Aruba Resort ta sigui ofrece actividadnan special na e clientenan local manera e New Year’s Eve celebration cu lo tuma luga den e Casino. Pa forma parti di e celebracion aki por cumpra ticket individual na balor di $99 of pa pareha cu lo ta $190 cu lo encera un Premium Open Bar for di 8:00PM te cu 1:00AM cu banda live compaña pa e fire work extravagansa sin laga afo e Party Favors ( Sombre, fluit y mas ) pa habri un aña nobo den un ambiente fenomenal, creando memorianan inolvidabel.
Reserva awe mes na Eagle Aruba Resort, no solamente un estadia magico pa nos invitadonan di afo , pero pa nos localnan tambe cu kier relaha y habri aña prospero y den bon bon ambiente.
