E problema cu ta existiendo actual cu nos pais bisiña, Venezuela, tin ex prome minister, Mike Eman hopi preocupa. Reunionnan a tuma luga entre e gobierno actual, Hulanda y tambe nos hermana isla Corsou, pa mira con por soluciona e conflicto cu tin awor aki, pa asina no perhudica mas di loke ya nos ta caba. El a conta tambe cu den pasado tabata tin cierto crisis, pero a dura solamente algun ora, cu a sa di firma un convenio cu a trece cierto trankilidad entre e paisnan. Pero awor aki e situacion no ta manera antes.
E temanan di siguridad, manera cu ex prome minister Mike Eman a comparti dia e tabata tin e honor di representa reino den e conseho di siguridad di Nacionnan Uni, por papia den nomber di Reino, a pone hopi enfasis cu hopi biaha no ta wordo poni. Hopi bes ora ta papia di siguridad, ta papia di polis, di camara, etc. Tur e temanan ey ta hopi importante den atende cu criminalidad, na momento cu e ta bay sosode. Cierto aspecto di dje por preveni. Pero e rais di criminalidad ta bin na momento cu un pais deteriora social y economicamente, cu su ciudadanonan ta cay den un desesperacion, cu e forma di famianan no ta funciona mas, e barionan no ta funciona mas, scolnan ta bao di presion, institutonan cu mester yuda forma e sociedad ta den un crisis. Cuminda no tin riba mesa, e ora bo ta haya tur e rangvoorwarden, circunstancianan cu ta conduci cu un pais ta cay den un decadencia di criminalidad. Ta temanan cu a duna hopi atencion. Por a tende hopi critica cuenta di debe, etc. Pero hecho ta cu durante di gobernacion di AVP a inverti pa e pueblo por tin un pan. Percura pa turismo por crece, pa KLM por bin bek, pa Carnival Cruise bin bek, pa duna hende reparatie toeslag y salario minimo. Pa baha e desempleo cu tin den nos pais. Crea inversionnan, tur e renobacion di bario, di infrastructura, tur a crea trabao pa tata y mamanan di famia por traha. Un gobierno cu ta neglisha pa tata y mamanan di famia por traha, ta pone hende riba caya, ta kita hende for di trabao, cu no ta percura pa e aspectonan social di nos pais cu hende tin un entrada, cu nan tin un bijstand, cu nan tin un salario minimo, cu nan tin un pensioen, si bo no cuida e aspectonan aki, esey ta locual ta pasa por ehempel na un pais manera Jamaica. Nan por pone 10 mil polis, 10 mil camara, pero si bo no cuida bo aspecto social, esey ta loke cu ex prome minister a para pe. A para frente Hulanda mes pa esey, cu na momento cu a haya un crisis cu no ta nan a causa, un refineria a cera, tabata tin un crisis mundial, a bisa cu e pueblo no ta bay paga pe. Si Aruba mester cay den un pobresa structural y deterioro social tuma luga, e ora nunca mas bo ta sali afo, pasobra bo ta afecta bo mesun industria turistico. Ta e vision aki a pone Aruba bek riba pia. Cu nos no a cay den un deterioro social, caminda cu tin mas pobresa, mas desempleo, pero a sali afo.
