Un rato pasa a pidi presencia di polis cu urgencia na Today Supermarket pa un posibel atraco cu a tuma luga na e establecimento menciona. A duna informacion cu un persona a drenta y bay cu dos boter di alcohol for di sitio.
Esaki a tuma luga den careda di 12:10 am na Today Supermarket na Weg Sero Preto San Nicolas. Den un frega di wowo un persona a drenta y horta 2 boter di Hennessy bay cu ne. Polis a presenta mesora na sitio y cuminsa busca den area.
Propietario a duna descripcion di un hende homber bista na t-shirt color scur (shinishi), short cortico blanco y na pia e famoso slof di adidad na pia. El a bandona e luga na pia y segun por a compronde no a uza arma pa comete e acto aki.