Teniente Woods ta un piloto di instruccion den e escuadron di e Hurricane Hunters y e tin mas di 18 aña caba ta haciendo e trabao aki. El a cuminsa na 2001. E ta un mision dibertido.
E tripulacion ta haci tur cos na un manera sigur. Nan ta train pa e trabao aki y no ta tuma riesgonan inecesario. E ta un mision revelador cu bo no ta mira riba un avion regular.
Ta mira hopi awasero, hopi hagel, hopi lamper, obviamente bientonan cu forsa di horcan cada rato, cual no ta mira den ningun avion regular.
Woods ta pasa den dos pa 3 horcan pa aña. Cada horcan tin un penetracion di cuater biaha. Ultimo biaha a yega cerca di 200 penetracion di horcan.
Woods a splica cu e ta un piloto full time cu Fedex. Y cu un avion comercial tur cos ta trankil, y de bes en cuando ta haya turbulencia, buscando manera pa evita e tempo.
Pero bulando cu den un avion di reconocimento manera ta e mision di horcan, ta nan trabao pa bula den e tempo mas pio posibel, penetrando asina den e tormentanan.
Peliger
E pilotonan no ta mira esaki como un avion peligroso. Si e ta riesgoso, pero ta tuma hopi precaucion pa mitiga e peliger.
Dos aña pasa nan a bula tres biaha den Horcan Irma. E biento mas duro tabata 285 miya pa ora. Tabata un tormenta masivo y ya tur hende sa di e daño cu el a causa.
E trabao
Pa e tripulacion, cu ta consisti di cinco persona, y ta bula no solamente den horcan, pero tambe ta cuminsa bula 500 pia riba awa y ta busca pa bientonan circular. Una bes cu haya uno, nan ta reporta na National Hurricane Center y ta mark’e y cuminsa sigui e depresion tropical. Si e bira mas fuerte, ta aumente pa un tormenta tropical, despues horcan categoria, 1, 2, 3 ,4 of 5.
Tur biaha cu nan bay tuma informacion, nan ta suministra e informacion y por mustra cierto parti di e pais of costa cu mester evacua of no. E informacion cu nan ta haya, ta yuda den e pronostico cu 25%. Y di e manera aki, nan ta yuda salba mas bida cu ta posibel.
