E wardamento a caba. Oficialmente Mundial di Rusia a cuminsa. FIFA a opta pa un ceremonia di inauguracion, discreto, breve, enfoca den conoce e cultura di e pais organisador y den musica cu e presentacionnan di e cantante Britanico, Robbie Williams y un intervencion cortico di e artist Ruso Aida Garifullina, kende tabata riba un parha oranje riba e escenario.
E stadion di Luzhniki di Moscu tabata e epicentro di e celebracion. Tabata tin 500 bailarina y gimnasta haciendo un show discreto pero emotivo dilanti un publico di 80 mil persona. Esey si, e aficionadonan a keda cu gana di mira Will Smith y Nicky Jam pa nan canta “Live it up,” e himno oficial di Rusia 2018.
Pa recapitula, e dos biaha campeon di mundo, Ronaldo Nazario tabata e acompañante di e mucha cu a tira e gol inicial di e cita orbita. Na e mesun momento, riba e Red Square, algun kilometer leu di e stadion, FIFA tambe a organisa un presentacion cu e Peruano Juan Diego Flores y e Spaño Placido Domingo.
“Mi ta spera cu boso tur tin un experiencia inolvidabel. Nos a habri nos pais y nos curason pa mundo,” Vladimir Putin, e presidente di Rusia a señala. Y Gianni Infantino, maximo dirigente di FIFA, tambe a agrega algun palabra breve. “Disfruta di e mayor celebracion di mundo.”
