Sindicato SEPPA a manda Minister di Husticia, Andin Bikker un carta siman pasa, unda cu a bisa minister, den un reunion dia 22 di juli, a palabra cuater punto, pa loke ta trata e situacion di Guarda nos Costa (GNC).
Edmundo Marlin, di SEPPA, a splica cu e prome punto tabata cu Minister lo a pidi DRH pa haci un quickscan riba e 30 puntonan entre di preocupacion bou di e trahadonan. Tambe den e mesun quickscan aki, a keda di check riba e asunto di e overplaatsing y tambe pa fiha nan overplaatsing den Guarda nos Costa. Tambe e asunto di promocion.
Di dos punto ta cu e Minister lo percura pa bin cu un persona cu lo atende cu asunto di personal. Di tres punto ta cu lo bin dentro di poco un solicitud habri pa e funcion di hefe di Guarda nos Costa.
Den e carta ey a manda Minister pa corda cu esey tabata e palabracion. Den e reunion di diaranson, e Minister a menciona cu tabatin un di cuater punto, pa esnan cu kier pidi overplaatsing for di Guarda nos Costa pa bay un otro dienst.
Den e reunion di diaranson, a agrega acerca cu lo cuminsa caba cu un scan pa loke ta trata check e asunto di e personal, promocion, asuntonan di Landsbesluitnan, pa wordo aloca den esnan cu no tin Landsbesluit y a pidi overplaatsing pa drenta Guarda nos Costa, pa eseynan wordo regla, y pa check exactamente ken ta den Guarda nos Costa.
Mirando e 30 puntonan cu a bin acerca, enbes di un scan, a bira un quickscan awo.
E minister a indica cu DRH lo cuminsa di biaha pa atende esaki y pa e quickscan aki, e trahadonan lo haya bishita di DRH den e dianan cu ta bin pa atende cu nan riba nan punto di preocupacion.
Tin varios cos cu ta preocupa e trahadonan y Minister ta na altura di tur esaki. E trahadonan ta sinti cu nan ta wordo gepest constantemente. Un situacion a presenta algun dia pasa, caminda cu un trahado ta wordo informa cu e ultimo dia pa entrega nan overtime sheet ta dia 1 di augustus.
Ora cu a bay check e asunto aki, a puntra kico ta e maneho di DRH ta hiba riba e asunto di overtime, DRH, a splica cu ta depende di e fecha cu e salario mester paga y por lo menos 10 dia adelanta, esta dia 13 di di luna, ta e ultimo dia cu por entrega overtime. Loke ta sosode ta cu na momento cu e hefe bira bisa cu e trahado mester entrega su overtimesheet dia 1, kico ta pasa cu e resto di e 12 dianan.
A indica na e Minister cu e cos aki no ta cuadra. DRH a indica cu nan sistema ta cu e ultimo dia cu un hefe por entrega e overtimesheet di e trahadonan, ta dia 13 di luna.
Aki por mira cu e trahadonan ta wordo engaña. Ta bin cu reglanan cu no ta existi. Tur esaki a bisa Minister, bisando cu tin cu atende cu e cos aki y caba cun’e. No por sigui manera e ta bayendo, segun Marlin. Enbes cu cosnan ta drechando, e ta birando pio.
Loke a pasa ta cu e grupo cu supuestamente ta contra, nan a hiba nan tur Dakota y e grupo cu no ta contra, esey ta e grupo cu ta na FOL. A mustra Minister cu un departamento no mester tin e division eynan. Ta un Guarda nos Costa mester tin. Tur e trahadonan mester traha hunto cu otro.
Overplaatsing
Guarda nos Costa ta un departamento aworaki. Minister ta bezig pa den futuro cercano wak si e ta bira un dienst riba su mes. Ta keda na cada trahado cu no ta sinti su mes comodo, pa pidi un overplaatsing. Tin cu a pidi caba si, segun Marlin.
