E pregunta ta: con por posibel cu un departamento di Gobierno por construi riba tereno priva? Esey ta sosode na Aruba.
Na Avenida Milio Croes por a mira un marcacion straño na e caminda unda antes tabatin Winklaar Tire Repair Shop. Parce ora cu nan a bay chek nan mapanan, a bin descubri cu DOW a traha caminda riba su tereno. E persona aki mesora a pone aviso cu linea marca oranje indica, y cu palet, cu ta su tereno.
Hopi hende no sa y ta haya nan mes frontal cu otro vehiculo, pasobra e pida caminda cu a keda ta hopi smal, creando un situacion hopi peligroso. Automobilistanan ta spera cu DOW por yega na un acuerdo cu e doño of drecha e caminda mas lihe posibel.
