Diabierna atardi, pasa di 2’or, a sosode un accidente entre dos Nissan RHD riba e caminda di Santa Helenastraat, na e T-weg cu Pitastraat.
E Nissan March color berde tabata biniendo for di e rotonde di Ponton bayendo direccion p’abao den Santa Helenastraat.
E dama tabata tin un señal poni, pero no pa lora drenta Pitastraat. Pero pa bay lora na e supermercado p’abao di e T-weg.
E chauffeur di e Nissan Primera, cu tabata para na e T-weg di Pitastraat, ta lora na man robes drenta Santa Helenastraat, a confia y kere cu e Nissan March color berde lo lora na man drechi pa drenta Pitastraat, door cu e tin señal poni.
E chauffeur a pensa cu ta su chens, el a sali, pero a resulta cu e Nissan March berde tabata bayendo mas bien direccion mas p’abao pa lora dilanti di e supermercado.
Eynan ta caminda cu e accidente a sosode y e daño material ta basta. E persona den e Nissan March berde tabata levemente herida.
A avisa polis como tambe ambulance, unda paramediconan a bin atende e situacion. Mester a hala e autonan for di caminda cu takelwagen.
Trahadonan cu ta atende cu seguro, etc. tambe a presenta na e sitio.
