“Mi ta spera cu e mensahe aki ta yega boso den bon estado. Despues di mas cu tres decada di servicio dedica den e ramo di maneho di dolor, mi a tuma e decision dificil pa bay cu pensioen y laga e siguiente generacion di practicante tuma mi luga”, asina dokter Ike Posner a anuncia ayera riba su pagina di Facebook.
Durante 32 aña tabata un previlegio y honor pa yuda y alivia e dolornan di pashent. “Mi ta profundamente gradici pa boso confianda, sosten, y e relacionnan cu nos a traha huntu. Mientras mi ta haci e traspaso pa mi pensioen, mi kier sigura boso cu mi prioridad ta pa haci e proceso aki mas suave posibel pa tur hende envolvi. Mi team y ami mes ta trahando diligentemente pa identifica un sucesor cualifica pa sigui brinda boso cu e mesun nivel di cuido cu boso a custumbra di nos practica.”
E specialista a yama danki pa e comprenshon y pa lag’e forma parti di boso bida. E ta desea boso tur lo miho den boso futuro desafionan.
