Na Boneiro casi 5 siman atras e dokter di cas Michael Hermelijn a contagia cu COVID-19. Awe mainta a drenta e noticia cu e dokter di cas a fayece na CMC, Curacao Medical Center, hospital na Corsou.
Dr. Hermelijn a bira e di 3 victima na Boneiro cu a fayece door di COVID-19. Na comienso di september informacion a bin cu e dokter di cas a contagia cu e virus despues di a presenta sintomanan leve. Despues di a haci e test di Coronavirus, e resultado a sali positivo.
Di biaha a cuminsa pidi tur pashent cu a bishita consultorio di dokter desde 5 di september pa raporta y haci e test. Dia 28 di september dr. Hermelijn su caso a bira mas pio y cu urgencia a transport’e pa hospital di Corsou, unda lo sigui atend’e. Despues di dos siman na Corsou, el a perde e bataya contra e virus.
