Musico desespera pasobra no ta haya FASE

Henry Oliviera ta den mundo di entretenimento y ta den un situacion poco dificil. Desde maart cu COVID-19 a bin, el a haya notificacion cu no tin entretenimento mas, pero ta prepara p’esey y pa un aña e por bay dilanti riba su mesun forsa.

E tin hendenan di mundo di entretenimento cu ta cay bou di dje, pero na momento cu tur cos a cuminsa, segun Oliviera, a lubida riba nan. El a traha carta pa musiconan haya FASE, pero su mes no a bin na remarca p’esey. Na principio e no a yena pa FASE, pasobra e tabatin e pensamento cu gobierno lo atende e situacion di entretenimento na un forma profesional.

Mundo di entretenimento sufriendo pa motibo di e pandemia

Posted by 24ora on Wednesday, October 14, 2020

Oliviera a bay inscribi pa FASE ultimo ki y riba lista ta poni cu e lo bay haya, pero nunca a haya esey. A tuma contacto cu mandatario pa haya sa kico ta pasando, pasobra su number ta poni pero nada di FASE. E mandatario a comunic’e cu un persona, kende ta malo na cas pero a yud’e. Siman pasa nan ta inform’e cu no ta bin na remarca pa FASE door cu su papelnan no ta na ordo.

Gobierno no ta enfoca riba esnan den mundo di entretenimento. E ta di pensamento cu no por wanta ni un siman mas. Despues di a tende e rueda di prensa di Ofo Escudero, e ta kere cu ainda nan ta perde tempo.