Coalicion di MEP y RAIZ a haya un recorido awe di WEB, pero oposicion no a presenta na esaki. E motibo cu AVP no a presenta na e recorido aki, pero e recorido tabata un buitendag.
Ryçond Santos do Nascimento di fraccion AVP a splica tabata mustra cu parlamento ta un set di mucha chikito di scol basico, ta haya un rondleiding y presentacion bunita. Algun hefe ta bin y duna un tiki kruimel, mientras locual AVP kier tabata transparencia. Locual a pasa awe tabata mercadeo, un ehempel di mercadeo, un ehempel con e gobierno aki ta tuma pueblo haci. Pasobra tin pregunta serio haci y no tabata tin transparencia.
Awor, pais Aruba pa medio di WEB ta mara na un contract di binti aña y pa biyones di florin. Kico ta haci? Aña ta cuminsa c’un buitendagje. Esey ta falta di seriedad completo. Locual ta importante pa presta atencion ta ora e parlamentarionan sali di WEB, scucha bon cuanto informacion nan ta bay duna. “Si nan ta bay duna claridad riba maneho. Nan no ta bay duna niun claridad, pasobra no tin claridad”, e parlamentario a expresa. Na final dje salida di e parlamentarionan fo’i WEB, nan a sali cu saco di regalo den nan man.
Pa un cobertura mas amplio lesa e edicion di TREMPAN di mañan.
