Dia 3 di maart ta bay tin e DJ Adoni Hawaiian Party y e lo ta algo grandi. Tambe ta bay tin hopi sorpresa, incluso ta bay tin algun artista invita. E prome shen persona cu yega lo ricibi un cadena di Hawaii. E dress code tambe ta di Hawaii, y aki lo premia esun cu tin e miho dress code.
Denisa Gross, organisado di fiesta di DJ Adoni, a expresa cu tempo Adonis tabata chikito, e tabata biba na Santo Domingo cu su famia. Despues nan a bin biba na Aruba, cual el a haci esey pa cuater aña. Momento cu e mama a dicidi di bay biba na Merca, Adonis tambe a haci mesun cos, unda e ta biba na New York.
E fiesta di DJ Adoni, cu lo tuma luga dia 3 di maart, ta tuma luga den The Venue. Segun Gross, cupo ta limita pasobra hopi hende no por drenta den The Venue. El a sigui indica pa cumpra ticket trempan. Por haya ticket cumpra na Citgo Boulevard y Citgo Essoville.
Prijs pa carchi ta 100 florin pa general, 150 pa Standing VIP, 200 florin pa Platinium y ta mesa di cuater persona di cual ta haya un boter, tambe tin mesa di 300 florin pa mesa di dies hende y ta haya dos boter riba mesa. Incluso ta bay tin premio, snacks, hookah, alcohol di Tropical Bottling.
E dia aki porta ta habri pa 4:00 pm, mientras cu e evento ta cuminsa pa 5:00 pm y ta bay te cu 12:00 am. E lineup p’e dia aki ta Jerrino Bass & Friends, Barrona, DJ Spookie, MC Big Reckless, DJ 101, DJ Sin Nombre y DJ Menol.
E carchinan ta obtenibel caba na Citgo Boulevard y Citgo Essoville. P’e carchinan di VIP por yama na 630-8645 y aki e organisadonan ta duna number di mesa y e persona ta paga cerca nan. Gross a gradici nan sponsor principal Tropical Bottling y tur otro pa forma parti di e fiesta aki.
