Durante un conferencia di prensa partido Raiz a presenta nan candidato nobo Ivan Croes, kende lo participa den e proximo eleccion parlamentario cu ta tuma luga den luna di september.
Lider di Raiz, Ursell Arends, a splica cu e candidato nobo cu a uni nan mes ta un siguransa cu e lo bay dedica su mes na educadornan, pero tambe na e muchanan y mayornan. Educacion ta fundeshi di nos pais. E Aruba nobo cu Raiz kier lanta ta enfoca riba educacion, ta loke Arends a bisa.
Ivan Croes ta docente cu Aruba mester traha pa crea un generacion di mucha y hobennan cu por expresa nan mes na momento cu nan ta den problema.
Banda di e formacion di caracter tambe ta importante pa e muchanan desaroya nan mes riba diferente tereno, manera e partido tecnologico, cu ta herment cu ta domina mundo awendia. “Tecnologia ta y lo bay hunga un rol masha importante den bida diario y nos muchanan mester ta prepara pa esaki,” Croes a splica. El a agrega cu aspectonan social / cultural tambe lo hunga rol den bida di muchanan y cu partido Raiz lo bay concentra riba dje.
E ta comparti e filosofia di Raiz pa trece cambio na Aruba, unda enseñansa ta e fundeshi di cualkier pais pa cual mester revisa y adapta ley di enseñansa di Aruba, cu ta hopi anticua. Di e forma ey so por duna esnan den enseñansa e chens pa traha na un nivel halto cu e muchanan merece. “Awe Raiz ta cuminsa un era nobo na Aruba. Cambionan cu ta beneficia esunnan di mas jong te na esnan di universidad.”
