Randy Paskel hefe di Kustwacht na Aruba a splica cu nan ta constante riba lama pa mantene ilegalidad pafo di nos isla. Ta trahando duro pa evita botonan ilegal yega Aruba. Sea cu ta transporte di droga, arma of hende, cu ta purba di yega tera.
E trabou no ta facil. Nan tin como 40 personal den kustwacht. Cooperacion ta importante. Nan so no por haci e trabao eyfo. Tin naturalmente e medionan, con ta haci’e. Nan tin avion cu ta bula, helicopter cu ta bula pa yuda den e parti di deteccion, di cualkier iregularidad cu tuma luga. Y tambe nan ta boga pa cooperacion. Cu kustwacht hunto cu polis na frontera, Kustsurveillance tambe. Ta trahando cu alma y cuerpo pa por cera tur gap cu por tin.
Segun Paskel, den concepto di kustwacht e ta bayendo bon. Semper tin luga pa mehoracion. Esey tambe ta busca constantemente e partnernan pa sinta na mesa y keda evalua con ta trahando te cu awor aki y purba keda mehora nan cooperacion pa asina nan haci un trabao mucho mas efectivo riba lama y riba tera.
Mas leu durante entrevista, Randy Paskel hefe di Kustwacht a splica cu e tension riba lama ta hopi grandi. Nan ta acerca boto cu no tin luz. Tin di bay prepara pa kico cu ta. Por tin hende arma, hende peligroso riba boto. Ta bay prepara pa lo pio. Personal di kustwacht ta prepara pa contraresta cualkier situacion riba lama. Nan ta arma y ta bay full prepara. E botonan ta full prepara pa contraresta cualkier situacion cu por presenta su mes.
Na momento cu kustwacht yega na botonan, tin cierto intentonan ta wordo haci pa huy, pa usa violencia tambe contra nan. Pero e personal ta bon prepara pa tur esey tambe. E unidadnan tambe ta bon prepara pa contraresta cualkier intento di huida tambe.
Kustwacht ta trahando apart di patruya. Patruya ta e parti hopi importante tambe. E ta traha preventivo. Fuera di esey nan ta traha informatie gestuurt. Esey ta haci’e en cooperacion cu partnerdiensten, bao di capa di Ministerio Publico. Tin pa bisa cu ta mirando un mehoracion hopi grandi ultimo añanan den e parti ey. A base di informacion ta zet in nan unidadnan.
Actualmente kustwacht tin tres SuperRhib den servicio. Awor aki nan ta bay cambianan pa e botonan Metal Shark, cu por cierto e siman aki, diahuebs, dia 13 nan ta yega. Nan lo bay wordo introduci na Januari pa operacion.
Na Corsou tin cuater Metal Shark caba. Ya tin basta experiencia cu nan. Segun Paskel, e experiencia cu a tuma for di Corsou lo aplica na Aruba tambe. Manera cu e training cuminsa na Januari, e experiencia cu nan a bouw op na Corsou lo yuda nan cu nan lo pone e botonan aki hopi lihe den servicio na Aruba.
