Den nomber di fundacion Dominicana Arubaanse Juan Pablo Duarte, Presidente Winston Tavarez, a extende un invitacion na henter e comunidad Dominicano residencia na Aruba, pa participa na e eleccion Presidencial y di diputadonan ultramar na Aruba y na Republica Dominicana, diadomingo awo dia 5 di juli 2020. Dominicanonan bibando na Aruba tin e derecho aki na voto. Tur hende cu tin nan cedula mester verifica prome cu nan bay vota na e Centro di Votacion, si ta aparece den e padron electoral pa sa si nan ta apto pa vota.
E votacion lo tuma luga na e Centro di Bario Playa Pabao, for di 7:00am pa 5:00pm. Ta hopi importante pa tur hende, prome cu bay na e centro di votacion, por verifica riba e website di e hunta central electoral, pa mira si ta apto pa vota.
Door cu tin algun hende cu no ta aparece riba e lista electoral, ta importante pa e persona por sa di antemano, pa e no bay presenta ningun inconveniente na ora di votacion.
Importante ta cu e hendenan mester bisti mask. Ta hopi importante cu ora nan ta na e luga, pa bin cu un mask. Y sigui e ordo y reglanan di autoridadnan cu ta preparando e eleccionnan, cual ta e hunta central electoral na Aruba.
Una bes cu yega na e luga, ta entrega e cedula, e persona di e hunta central electoral ta bay haci e limpiesa di e luga pa protocol di Covid-19. E persona lo bay haya dos lista electoral. Esun di e diputadonan, unda cu por marca un di e hokinan segun su preferencia y ta haya tambe un lista electoral presidencial, unda cu por marca den e hoki di su preferencia.
Mester sigura cu e plania electoral ta firma y seya pa e presidente di e hunta central electoral. Ta hopi importante cu e comunidad y e votantenan por verifica cu e planianan ta firma y tin e seyo di e hunta central electoral.
E personanan cu tin nan cedula perdi, por haya un cedula na balor di 27,50 te cu diahuebs, na e Consulado Dominicano pa asina e persona cu kier haci uzo di su derecho di voto y ta den e lista electoral. Ta hopi importante pa verifica prome pa eherce e derecho di voto, si nan ta aparece den e lista electoral of no. Si no ta aparece den e lista, na e ocasion aki e hunta central electoral, no a emiti un resolucion.
Cuater aña pasa si a emiti un resolucion caminda esun cu no tabata riba e lista, si por a vota. Pero na e ocasion aki no a emiti un resolucion pa tur e ciudadanonan, apesar cu nan tin nan cedula vigente por eherce nan derecho di voto.
