Diasabra, dia 27 juni, Liv Casino na Barceló Aruba a habri su portanan bek pa publico. Un biaha mas tur hende por yega y pasa un rato di trankilidad.
En conexion cu e normal nobo, Liv Casino a adapta su orario temporalmente. E orario nobo di Liv Casino ta di 11:00AM te cu 11PM. Pero Liv Casino tin promocionnan special pa su miembronan, pa esnan cu ta yega e casino pa hunga.
“Nos ta sumamente emociona pa bisa bon bini bek na nos clientenan den nos casino cu un diseño completamente nobo. Nos a kita algun mashin pa asina bo por mantene e distancia social pero na mes momento disfruta di nos atmosfera y empleadonan cariñoso. Tambe mi kier anuncia e siguiente promocionnan, unda cu nos ta dunando diaramente na e prome 50 hungadonan 10$ gratis pa hunga otro siman, terminando dia 6 juli,” Marc Charley, Managing Director di Liv Casino, a bisa.
Empleadonan di Liv Casino ta warda tur su miembronan y bishitantenan nobo pa pasa bishita e casino na Barceló Aruba. Bin purba bo suerte na Liv Casino.
