Aruba ta bibando momentonan di hopi incertidumbre y sufrimento den pueblo ta tur caminda. Lider di partido AVP, mr. Mike Eman lo dirigi su mes na e Pueblo Arubano den un mensahe nacional diadomingo anochi pa 8’or.
Tur organisacion den e pais ta demonstrando un malcontento y desconfiansa grandi den e direccion negativo cu Aruba ta bayendo cu Gabinete Wever-Croes. E incertidumbre den pueblo ta grandi. Ex Prome Minister Mike Eman lo comparti cu comunidad e sentimentonan aki cu a conduci tambe na Marcha Nacional na April y awor di diferente otro organisacion den comunidad. Aruba mas cu nunca mester di cambio di rumbo y un gobierno husto. E Mensahe Nacional di ex Prome Minister Mike Eman lo ta den cadena cu emisora y rednan social.
