Ayera nochi, Zeeland tabatin su di dos captura den Caribe den poco tempo, un Go Fast cu cuater persona abordo, cu probablemente tabata transporta medionan ilicito. A detene y pasa e sospechosonan y articulonan pa autoridadnan di Boneiro (KPCN) pa mas investigacion.
Zr.Mr.Zeeland a ricibi un informacion for di e Centro di Coordinacion y rescate diamars anochi, net despues di 7’or, cu un embarcacion sospechoso tabata nabega den awanan cerca di Boneiro. Helicopter NH-90 di Zeeland y Dash di Kustwacht a bay en busca di e Go-Fast. Durante e persecucion di e Go-Fast, nan a duna varios advertencia pa e para.
Finalmente e disparonan di advertencia di e helicopter a obliga e speedboat pa para. E cuater miembronan di e tripulacion di e Go-Fast inmediatamente a cuminsa tira paki, paña y otro articulonan den lama, pero e FRISC di Zeeland cu tabata yegando cerca, a pisca hopi cos for di awa.
E sospechosonan y e evidencia, incluyendo e Go-Fast a wordo lastra pa e stationsship, por a wordo transferi pa KPCN na Boneiro diaranson mainta. Awo e investigacion lo continua. Zeeland lo sigui cu su patruyanan pa Kustwacht.